All About Handball

სსაუ თბილისი დღეს ისრაელში მიემგზავრება

ზ. ბარათაშვილი — Fri, 03 Sep 2010 13:55:05 +0000

დღეს, 3 სექტემბერს “სსაუ თბილისი” ევროპის ხელბურთის ფედერაციის (EHF) თასის გათამაშების პირველ ეტაპზე სათამაშოდ ისრაელში მიემგზავრება. თბილისელები რიშონ ლე ციონის “ჰაპოელს” 5 და 6 სექტემბერს შეხვდებიან, ორი მატჩის ჯამში გამარჯვებული კი მეორე ეტაპზე გავა. სამწუხაროდ, უსახსრობის გამო, ქართული გუნდი ორივე თამაშს ისრაელში გამართავს, რაც ებრაელებს დიდ უპირატესობას აძლევს.
გასულ სეზონში “სსაუ თბილისი” EHF-ს თასის პირველ ეტაპზე კვიპროსის გუნდ “კურუში პროოდევტიკოსს” შეხვდა და პაფოსში ჩატრებული მატჩები ჯამში 65:55 მოიგო, შემდეგ კი ლისაბონის “ბენფიკასთან” თამაშებში 46:63 დამარცხდა.
მომავალი ტურნირისთვის თბილისელებს 5 მოთამაშე დაემატათ. ირაკლი ღაღანიძე გუნდში ადრეც თამაშობდა, ბოლოს კი საბერძნეთის ერთ-ერთი გუნდის ღირსებას იცავდა. “სსაუ თბილისს” შემოუერთდა აკაკი ტალახაძეც, რომელიც ბოლოს ირანში თამაშობდა. თბილისელებს ევროტურნირზე 4 ახალგაზრდა ხელბურთელიც შეეშველებათ – ჯუმბერ ხუნჯუა, ლექსო წითელაშვილი (საქართველოს 18-წლამდე ნაკრების კაპიტანი) და გიგა კიკნაძე.

Denis Zakharov

“ჰაპოელის” შემადგნელობაში 5 ლეგიონერი ირიცხება, რომელთა შორის ყველაზე გამორჩეული რუსი დენის ზახაროვია. მას 4 წელი გერმანიის ბუნდესლიგაში აქვს ნათამაშები, კერძოდ კი “გუმერსბახში”. ამ გუნდს 2009 წელს EHF-ს თასი აქვს მოიგებული, 2010-ში კი თასების მფლობელთა თასის გამარჯვებულიც გახლავთ. ზახაროვი მარჯვენა ინსაიდის პოზიციაზე თამაშობს და სიმაღლეში ორი მეტრია.

ზახაროვის გარდა, ლე ციონელებს კიდევ ორი რუსი ხელბურთელი მიხაილ ხომაროვი და მაქსიმ ციპერმანი ჰყავთ, ლეგიონერები არიან უკრაინელი დმიტრო დოროშჩუკი და ლიტველი გედვილას ალეგრიდასიც.

Tite kalandadze

თბილისურ გუნდში ყველაზე გამოცდილი და ძლიერი მოთამაშე ტიტე კალანდაძეა, რომელსაც სხვადასხვა დროს არაერთი ევროპული გუნდის რიგებში აქვს ნათამაშები. მათ შორის მაკედონიური “ვარდარი”, იტალიური “ტრისტე” და თურქული “ასკი ანკარა” უნდა გამოვარჩიოთ, სამშობლოში დაბრუნებამდე კი ტიტე ისლანდიური “სტრაიანის” ღირსებას იცავდა. გამოცდილი მოთამაშეები არიან კორნელი ანდრიაძე, ლევან გელაშვილი და გიორგი წივწივაძეც.
გუნდს ასევე გააძლიერებს ირანიდან ახლად ჩამოსული აკაკი ტალახაძე, რომელიც აქამდე თბილისის კონკურენტ გუნდში ს.ტ.უ შევარდენში თამაშობდა. იგი სსაუ თბილისში პირველად ითამაშებს.

გუნდების შემადგენლობები კი ასე გამოიყურება.

სსაუ/თბილისი

ოთარ ამირანაშვილი, კორნელი ანდრიაძე, ირაკლი ღაღანიძე, ლევან გელაშვილი, ალექსანდრე გოჩანოვი, გიორგი იობაშვილი, ტიტე კალანდაძე, ნანო ქარდავა, აკაკი ყაველაშვილი, გიგა კიკნაძე, ალექსანდრე ლობჟანიძე, უჩა მაისურაძე, აკაკი ტალახაძე, ირაკლი თევზაძე, ლექსო წითელაშვილი, გიორგი წივწივაძე, ჯუმბერ ხუნჯუა.

მთავარი მწვრთნელი: მამუკა მჟავანაძე.

მწვრთნელი: ტიტე კალანდაძე.

Hapoel Rishon Le Zion

Abulafia Omer, Atoon Avraham, Cohen Guy, Doroshchuk Dmytro (UKR), Elimelech Moshe, Fischlovic Niv, Gedvilas Alegridas (LTU), Gerera Yuval, Greenberg Nir, Hamami Ezra, Hershkovitz Shay, Hershkowitz Tal, Khomarov Mikhail (RUS), Langlieb Amir, Maimon Idan, Miyara Shahar, Peretz David, Ran Eli, Suher Eyal, Tal Yotam, Tsiperman Maxim (RUS), Yaish Idan, Yakov Gil, Zakharov Denis (RUS), Zarfati Eran.

ამავე ჩემპიონატზე მონაწილეობას იღებს სერბული გუნდი RK Metaloplastika Zorka Keramika , რომელშიც როგორც მოგეხსენებათ ორი ქართველი ხელბურთელი რატი მსხვილიძე და ირაკლი ჩიქოვანი თამაშობენ. პირველ ტურში მეტალოპლასტიკა ფარერის კუნძულების გუნდს HC Neistin-ს შეხვდება.

და ბოლოს ჩვენი საიტი სსაუ/თბილისს უსურვებს ორივე თამაშში გამარჯვებას და შემდგომ ეტაპზე წარმატებით გასვლას. !

მასპინძლების სუსტმა თამაშმა სტუმრებიც კი გააკვირვა

ზ. ბარათაშვილი — Mon, 14 Jun 2010 22:19:46 +0000

იტალიის ნაკრებთან მარცხის შემდეგ ქართველი ხელბურთელები ლატვიელებს დაუპირისპირდნენ. როგორც უკვე გაცნობეთ, ამ დონის შეჯიბრებებზე ეს გუნდები აქამდე ოთხჯერ შეხვდნენ ერთმანეთს. 1999 წელს ქართველებმა ორივე მატჩი მოიგეს, სამი წლის წინათ კი მსგავს წარმატებას ბალტიისპირელებმა მიაღწიეს. მასპინძლები რევანშის წყურვილით გავიდნენ სარბიელზე, მაგრამ პირველი წუთებიდანვე მედგარ წინააღმდეგობას წააწყდნენ. შესვენებაზე გუნდები თანაბარი ანგარიშით წავიდნენ (11:11). მეორე ტაიმის ოცი წუთის განმავლობაში სტუმრები დომინირებდნენ, თუმცა დიდი სხვაობით დაწინაურება ვერც მათ მოახერხეს. საფინალო სასტვენამდე ათი წამით ადრე ტაბლოზე ორი 21 ენთო. სწორედ ამ დროს შოთა თევზაძემ მოიგერია ბურთი, რომელსაც მისი თანაგუნდელები დაეუფლნენ და ელვისებურ იერიშზე გადავიდნენ, მაგრამ არბიტრებმა შეტევისას მოულოდნელად ვლადიმერ რუსია დააჯარიმეს. ლატვიელებმა დარჩენილ ხუთ წამში ბურთის გათამაშება და გადამწყვეტი გოლის გატანაც მოახერხეს.

12 ივნისი
საქართველო 21:22 ლატვია (11:11)

საქართველოს ეროვნული ნეკრები ლატვიასთან თამაშის წინ

საქართველო: შოთა თევზაძე, გაგა სამყურაშვილი, შოთა გრიშიკაშვილი, ილია გოგალაძე, აკაკი ტალახაძე (1), ირაკლი ჩიქოვანი (1), სერგო დათუკაშვილი (8), ვლადიმერ რუსია (7), სერგეი კირილოვი, ამირან ყიფიანი (1), რატი მსხვილიძე, უჩა მაისურაძე (2), მამია კობახიძე, რევაზ ჭანტურია (1), მთავარი მწვრთნელი მერაბ მეტრეველი.

ლატვიის ნაკრები ჰიმნის შესრულების დროს, საქართველოსთან თამაშის წინ

ლატვია: ჰელმუტს ტიჰანოვსი, დმიტრის ბრაჟნიკოვსი, ანდრეის კუზმინსი (6), ედვინს ლატკოვსკისი, მარგოტს ვალკოვსკისი, მარის ვერშაკოვსი (9), ინგარს დუდე (1), ოსკარს არაისი, არტის კურმენსი, აივის იურდსი (4), ერიკს ბლემსი (1), ელვის ბოროდოვსკისი, ულდის ლიბერგსი, იანის გრემზე (1), მთავარი მწვრთნელი ვალდის ლობანოვსკისი.

ლატვიელები აღნიშნავენ ევროპის მეორე საკვალიფიკაციო ეტაპზე გადასვლას

სიხარულს ვერ მალავდა სტუმართა მთავარი მწვრთნელი ვალდის ლობანოვსკისი. მას შემდეგ, რაც ტურნირის პირველ დღეს საქართველო-იტალიის მატჩი ვნახე, ერთი გავიფიქრე კიდეც, თბილისში ჩამოსასვლელად ტყუილად ხომ არ გავისარჯეთ, ჯგუფის აშკარა აუტსაიდერებად ვჩანვართ-მეთქი, მითხრა ლობანოვსკისმა. თანაც პირველი ორთაბრძოლა ფინელებთან დავთმეთ. ყოველივეს მიუხედავად, დღეს მოედანზე მაინც იმედიანად გამოვედით. ქართველები მძიმედ თამაშობდნენ. გამაკვირვა თქვენი ლიდერების სუსტმა თამაშმა. მეორე ტაიმში მეც და ჩემს შეგირდებსაც იმედი მოგვეცა და აკი გავიმარჯვეთ კიდეც …

საქართველოს ნაკრების მწვრთნელები და ექიმი

საქართველოს ნაკრების მწვრთნელებისგან შევიტყვე, რომ ლეგიონერთა ერთი ნაწილი ტრავმამოუშეშებელი გამოვიდა სათამაშოდ: ჩიქოვანს ხელის კუნთი აქვს გაწყვეტილი, რატი მსხვილიძეს მხრის ტრავმა აწუხებს, დათუკაშვილმა რამდენიმე თვის წინათ წვივის კუნთი გაიწყვიტა. სამწუხაროდ, კლუბში სრული რეაბილიტაციის საშუალება არ მისცეს. ბოლო თვენახევრის განმავლობაში შესარჩევი ტურნირის დაწყებამდე სამი დღით ადრე ივარჯიშა თბილისში. მან და ტალახაძემ ლატვიელებთან მუხლის ტრავმაც დაიმატეს და ფინელებთან არ უთამაშიათ. რაც შეეხება თევზაძეს, იგი სამივე მატჩზე ტკივილგამაყუჩებლებით გაბრუებული გამოვიდა საასპარეზოდ. ამგვარ მდგომარეობაში წატმატების მიღწევა, მარტლაც წარმოუდგენელია.

დამთავრებულ დროზე, 9 მეტრიდიან საჯარიმოს არტყამს იტალიელი ხელბურთელი

შეჯიბრების მეორე დღეს დრამატული გამოდგა ფინელებისა და იტალიელების პაექრობა. პირველი ტაიმი სუომელებმა ერთი ბურთით დათმეს. შესვენების შემდეგ ხან ერთი გუნდი იყო წინ, ხან მეორე. შეხვედრის ბოლო წამზე, თანაბარი ანგარიშისას (34:34), ფინელებმა უხეში შეცდომა დაუშვეს. ცხრამეტრიანი საჯარიმო უნაკლოდ და ელვისებურად შეასრულა იტალიელმ ვოლპიმ და თავის გუნდს გამარჯვება მოუტანა.

ფინეთი-იტალია
34:35 (18:19)

ფინეთის ნაკრები ჰიმნის შესრულების დროს. (იტალიასთან თამაშის წინ)

ფინეთი: ტომი კურპაა, პეტერ ფორსტრიომი, ვილე კანგასი (1), იაკ კარისონი (5), რობინ კარისონი (1), სემ კიჰსტედი, ვილე ვილანენი (3), ოსკარ კიჰსტედი (2), ტეემი ტამინენი (13), ტომი სილნპაა, ანდრეას რიონბერგი (4), ანტი ვალო, ბენი ბრომანი, ჯოონა ჰერტოლა (5). მთავარი მწვრთნელი მიკაელ კალმანი.

იტალიის ნაკრები ჰიმნის შესრულების დროს. (ფინეთთან თამაშის წინ)

იტალია: ლუჩანო ბრანკოფორტე, იან რადოიკოვიჩი, პასკუალე მაიონე (3), ედუარდო არკორი, ჯანკარლო კოსტანცო (5), ადრიანი დი მაჯიო (1), დემის რადოვჩიჩი (5), ჯანბატისტა კარმინანი, პიერლუიჯი დი მარცელო, ვალერიო სამპაოლო, მიკელე სკატარი (11), ალესიო ბისორი (3), ტინი ტოკიჩი (5), ფრანჩესკო ვოლპი (2), მთავარი მწვრთნელი ფრანჩესკო ეკვისუაინ აზანზა.

ლატვიელებს უხარიათ შემდეგ ეტაპზე გადასვლა

გუშინდელი პაექრობებიდან უდიდესი მნიშვნელობა ჰქონდა ლატვიელთა და იტალიელთა დაპირისპირებას, რადგან ამ მატჩში გამარჯვებული მომდევნო ეტაპზე გასვლის უფლებას მოიპოვებდა. ამოცანა პირნათლად შეასრულეს ბალტიისპირელებმა, რომლებმაც 36:32 აჯობეს აპენინელებს და ჯგუფში პირველი ადგილი დაიკავეს.

ლატვია 36:32 იტალია (19:16)

ლატვიელი ხელბურთელები ჰიმნის შესრულების დროს. (იტალიასთან თამაშის წინ)

ლატვია: ჰელმუტს ტიჰანოვსი, დმიტრის ბრაჟნიკოვსი, ანდრეას კუზმინსი (5), ედვინს ლატკოვსკისი (4), მარის ვერშაკოვსი (2), ინგარს დუდე (4), ოსკარს არაისი, არტის კურმენსი (5), აივის იურდსი (6), ერიკს ბლემსი (5), ელვის ბოროდოვსკისი (2), ულდის ლიბერგასი, იანის გრემზე (3). მთავარი მწვრთნელი ვალდის ლობანოვსკისი.

იტალიელი ხელბურთელები, ჰიმნის შესრულების დროს. (ლატვიასთან თამაშის წინ)

იტალია: ლუჩანო ბრანკოფორტე, გრაციანო ტუმბარელო (7), პასკუალე მაიონე (4), ედუარდო არკორი, ჯანკარლო კოსტანცო (1), ადრიანო დი მაჯიო, დემის რადოვჩიჩი (5), ჯანბატისტა კარმინანი, პიერლუიჯი დი მარცელო, ვალერიო სანპაოლო, მიკელე სკატარი (7), ალესიო ბისოპი (3), ტინ ტოკიჩი (4), ფრანჩესკო ვოლპი (1). მთავარი მწვრთნელი ფრანჩესკო ეკვისუაინ აზანზა.

ფინელი ანდრეას რიონბერგი ცდილობს ჩვენს საჯარიმოში შეღწევას, მას ხელს უშლის ამირან ყიფიანი

ჯგუფში მეორე ადგილზე გავიდნენ ფინელები, რომლებიც ბოლო მატჩში მასპინძლებს დაუპირისპირდნენ. წლეულს იანვარში ეს გუნდები ” ჩელენჯ ტროფის ფინალში შეხვდნენ ერთმანეთს. მაშინ სუომელებმა აჯობეს ჯვაროსნებს. რევანშის შანსი სტუმრებს არც გუშინ მიუციათ ქართველებისთვის: პირველი ტაიმი მათ ორი ბურთის სხვაობით (12:10) მოიგეს, შესვენების შემდეგ კი ანგარიში კიდევ უფრო გაზარდეს და საბოლოოდ 26:21 გაიმარჯვეს. მესამე ადგილი იტალიელებს ხვდათ…

საქართველო-ფინეთი
21:26 (10:12)

საქართველოს ეროვნული ნაკრები. ფინეთან თამაშის წინ, ჰიმნის შესრულების დროს

საქართველო: შოთა თევზაძე, გიგა ტორონჯაძე, გაგა სამყურაშვილი, ვლადიმერ რუსია (5), რატი მსხვილიძე (8), რევაზ ჭანტურია, ირაკლი ჩიქოვანი (1), უჩა მაისურაძე (2), ამირან ყიფიანი, მამია კობახიძე (4), შოთა გრიშიკაშვილი, სერგეი კირილოვი, ირაკლი ღაღანიძე. მთავარი მწვრთნელი მერაბ მეტრეველი.

ფინეთის ნაკრები. საქართველოსთან თამაშის წინს. ჰიმნის შესრულების დროს

ფინეთი: ტომი კურპაა, პეტერ ფორსტრიომი, ვილე კანგასი (5), იაკ კარლსონი (3), რობინ კარლსონი (1), ოლი-პეკი კორპიმიაკი, ვილე ვილანენი (4), ოსკარ კიჰსტედი (1), ტეემი ტამინენი (3), ტომი სილნპაა, ადრეას რიონბერგი (8), ანტი ვალო, ბენი ბრომანი, ჯოონა ჰერტოლა (1). მთავარი მწვრთნელი მიკაელ კალმანი.

ფოტოსურათების ავტორი : ზურაბ ბარათაშვილი

ინფორმაციის წყარო გაზეთი ”ლელო”
ავტორი: ვაჟა დანელია

ხელბურთელებმა მეორე მატჩი ლატვიასთან 21:22 დათმეს

ზ. ბარათაშვილი — Sat, 12 Jun 2010 22:51:59 +0000

12 ივნისს საქართველოს ხელბურთელთა ნაკრებმა ევროპის 2012 წლის შესარჩევ ეტაპზე მეორე მატჩი გამართა. ქართველმა ხელბურთელებმა ლატვიის ნაკრებთან 21:22 წააგეს და მომდევნო ეტაპზე გასვლის თეორიული შანსიც დაკარგეს. მერაბ მეტრეველის გუნდმა ზედიზედ მეორე მატჩი დათმო. 11 ივნისს ნაკრები იტალიასთან, რომელიც ჯგუფის ფავაორიტად გამოიკვეთა 25:30 დამარცხდა.

დღესვე იტალიელებმა დაძაბულ პაექრობაში ერთი ბურთით აჯობეს ფინელებს და ფაქტობრივად გაინაღდეს მომდევნო ეტაპზე გასვლა. 13 ივნისს საქართველოს ნაკრები ფინელებს დაუპირისპირდება და რევანშის აღებას შეეცდება. შეგახსენებთ, რომ ჩვენმა გუნდმა იანვარში სკანდინავიელებთან “ჩელენჯ-ტროფის” ფინალი დათმო. იტალიელები კი ლატვიასთან მესამე გამარჯვების მოპოვებას შეეცდებიან.

ლატვიელი ხელბურთელები ტაშს უკრავენ თავიანთ გულშემატკივრებს

სპორტის დეპარტამენტის პრესსამსახური

ქართველმა ხელბურთელებმა წაგებით დაიწყეს

ზ. ბარათაშვილი — Fri, 11 Jun 2010 23:23:52 +0000

თბილისის სპორტის სასახლეში ევროპის 2012 წლის ჩემპიონატის შესარჩევი პირველი საკლვალიფიკაციო მატჩები გაიმართა.
ტურნირი ფინეთისა და ლატვიის ნაკრებმა გუნდებმა გახსნეს. თამაში ნელ ტემპში დაიწყო, თითქმის 8 წუთი ისე გავიდა გოლი არ გასულა, თუმცა რამდენიმეჯერ ამის შანსი ორივე გუნდს ჰქონდა. იმედი რომ გადაწურული იყო 7:30 წუთზე ლატვიელმა აივის იურდისმა მოახერხა ანგარიშის გახსნა 1:0, მას რამდენიმე წამში ანდრეას რიონბერგმა მიბაძა და ანგარიში გაათანაბრა 1:1.
უნდა აღინიშნოს, რომ ორივე გუნდი მთელი 30 წუთის განმავლობაში ერთ დონეზე, უღიმღამოდ თამაშობდა. ანგარიშში სხვაობა 1-2 ბურთით თუ შეიცვლებოდა, ან ფრე ფიქსირდებოდა.
მეორე ტაიმი ორივე გუნდმა შედარებით აქტიურად დაიწყო თუმცა თამაშის რიტმი არ დაურღვევიათ და 15 წუთის გასვლის შემდეგ კიდევ 9-9 ბურთი გაიტანეს, ამის შემდეგ ანგარიში ისევ ფრე 20-20 გახდა, მაგრამ ფინელებმა მაინც იმარჯვეს და მატჩი მათი გამარჯვებით 26:24 დასრულდა.

ფინელებიდან ყველაზე მეტი 6-6 ბურთი ვილე ვილიანენომ და ანდრეას რიონბერგმა გაიტანეს, ხოლო ლატვიელებიდან 5 ბურთი აივის იურდისმა ჩაიწერა საკუთარ ანგარიშზე. აღსანიშნავია ფინელთა მეკარის ტომ კურპაას თამაში. ის არაჩვეულებრივად იგერიებდა ბურთებს და დიდი წვლილი შეიტანა გუნდის გამარჯვებაში.
ყველაზე დიდ ინტერესს საქართველოსა და იტალიის დაპირისპირება იწვევდა. ქართველთა საგულშემატკივროდ არც თუ ცოტა გულშემატკივარი შეგროვდა. მიუხედავად იმისა რომ აღნიშნული მატჩი ფეხბურთის მსოფლიოს |ჩემპიონატის გახსნას დაემთხვა სიმცირეს არც სამთავრობო ლოჟა განიცდიდა. სხვებთან ერთად მატჩის სანახავად საქართველოს სპორტისა და ახალგაზრდობის საქმეთა დეპარტამენტის თავმჯდომარე დავით ნამგალაური, მისი მოადგილე გია გალდავა, მერიის სპორტის სამსახურის უფროსი, ასევე მშვილდოსნობის ფედერაციის პრეზიდენტი მამუკა ქაცარავა და ხელბურთის ფედერაციის პრეზიდენტი ზაზა დოლიძე ესწრებოდნენ.

იტალიელები გვიტევენ

ეროვნული ჰიმნის მოსმენის შემდეგ მატჩი სწრაფი შეტევით დაიწყო. ანგარიში რევაზ ჭანტურიამ გახსნა 1:0, მაგრამ მას არც მიკელე სკატარი ჩამორჩა და ზედიზედ 2 გატანილი გოლით გუნდი დააწინაურა, თუმცა სერგო დათუკიშვილმა შეძლო გათანაბრება 2:2. ქართველ სპორტსმენებს არც შემდგომ შეუწყვეტიათ აქტიურობა და 15 წუთის გასვლის შემდეგ ტაბლოზე ანგარიში 7:5 დაფიქსირდა.

იტალიის ნაკრები

უნდა აღინიშნოს, რომ იტალია ხელწამოსაკრავი გუნდი არ აღმოჩნდა. აპენინელებმა მედგარი წინააღმდეგობა გაუწიეს მეტოქეს და პირველი ნახევარი ფრედ 10-10 დასრულდა.
საწყისი ტაიმის მიწურულს ქართველ სპორსმენებს დაღლა დაეტყოთ რაც მეორე ნახევარში უფრო მკვეთრად გამოჩნდა. მართალია, პირველი გოლი დაწყებისთანავე ვლადიმერ რუსიამ გაიტანა და ანგარიში 11:10 გახდა, მაგრამ ამის შედეგ შეწყდა ჩვენების აღმასვლა და იტალიელების ჯერიც დადგა. მეორე ნახევარში მათ შანსი აღარ დაუტოვეს ქართველებს და შეხვედრაც 30:25 მოიგეს.

საქართველოს ნაკრები

ქართველთაგან ყველაზე მეტი 8 გოლო ვლადიმერ რუსიამ გაიტანა, ხოლო აკაკი ტალახაძე გუნდს 5 ბურთით შეეწია. კარგად ითამაშა მეკარე შოთა თევზაძემ.
იტალიელთაგან საუკეთესო ჯანკარლო კოსტანზო (7), მიკელე სკატარი (6) და დემისე რადოვჩიჩი (6) იყვნენ.
გთავაზობთ 12 ივნისის შეხვედრათა განრიგს:
ფინეთი – იტალია 15:30
საქართველო – ლატვია 17:30
მაკა თოიძე

ევროპის ჩემპიონატის პირველი საკვალიფიკაციო ეტაპი წაგებით დავიწყეთ

ზ. ბარათაშვილი — Fri, 11 Jun 2010 22:29:59 +0000

11 ივნისს საქართველოს ხელბურთელთა ნაკრებმა ევროპის 2012 წლის ჩემპიონატის შესარჩევი ეტაპის პირველი მატჩი სპორტის სასახლეში იტალიის ნაკრებთან გამართა და 25:30 წააგო. ევროპირველობის პირველ შესარჩევ ეტაპს სპორტის სასახლე მასპინძლობს. საქართველოს ნაკრებს მეტოქეებად იტალიის, ლატვიის და ფინეთის ნაკრებები ჰყავს.

მერაბ მეტრეველის გუნდმა თამაში კარგად დაიწყო და იგებდა კიდეც, მაგრამ მეორე ტაიმში იტალიელებმა 6 ბურთით გაქცევა შეძლეს, რაც გადამწყვეტი აღმოჩნდა. ბოლო წუთებზე ქართველი ხელბურთელების მცდელობის მიუხედავად მატჩში გარდატეხის შეტანა ვერ მოხერხდა. ჩვენი ნაკრებიდან ყველაზე გამორჩეული ვლადიმერ რუსია იყო, რომელმაც 8 ბურთი გაიტანა. ამავე ჯგუფის მეორე მატჩში ფინეთის ნაკრებმა ლატვიას 26:24 მოუგო. 12 ივნისს საქართველოს ნაკრები ლატვიას დაუპირისპირდება, იტალიელები კი ფინელებთან ითამაშებენ.

საქართველო 25:30 იტალია

საქართველოს ნაკრები

საქართველოს ნაკრები: თევზაძე, რუსია (8 გოლი), ტალახაძე (5), ჭანტურია (4), დათუკაშვილი (3), ჩიქოვანი (2), მსხვილიძე (2), გოგალაძე (1), კირილოვი, გრიშიკაშვილი, მაისურაძე, ტორონჯაძე

მთავარი მწვრთნელი: მერაბ მეტრეველი
მწვრთნელები: ირაკლი კეკელიძე, ბექა ორჯონიკიძე

იტალიის ნაკრები

ვოვა რუსია

ტესტმატჩები ხუთიანზე

ზ. ბარათაშვილი — Thu, 10 Jun 2010 12:36:06 +0000

საქართველოს ხელბურთელ ვაჟთა ნაკრები 11 ივნისიდან ევროპის 2012 წლის ჩემპიონატის შესარჩევ ტურნირში ჩაებმება: სამი დღის განმავლობაში მერაბ მეტრეველის შეგირდები სპორტის სასახლეში იტალიის, ლატვიისა და ფინეთის ნაკრებ გუნდებს უმასპინძლებენ.
ჩვენი ბიჭები ოფიციალური მატჩებისთვის საქართველოს ტექნიკური უნივერსიტეტის დარბაზში გადიან წვრთნას, ჯერჯერობით ” არასრული შემადგენლობით. დღეს თანაგუნდელებს სლოვენიასა და მაკედონიაში მოთამაშე სერგო დათუკაშვილი და რევაზ ჭანტურია შეუერთდებიან.
მზადების პროცესში ქართველმა ხელბურთელებმა სპარინგპარტნიორებად აზერბაიჯანელ კოლეგებს უხმეს. პირველი მატჩი მასპინძლებმა 40:26 მოიგეს, გუშინ კი მეტოქე 36:25 დაამარცხეს. ორივე პაექრობა ჩვენმა გუნდმა, ფაქტობრივად, ერთი და იმავე შემადგენლობით გამართა. გუშინდელ შეხვედრაში ჩვენებურთაგან მოედანზე იყვნენ გიორგი სამყურაშვილი, გიგა ტორონჯაძე, შოთა თევზაძე, ზურაბ მელქოშვილი (4 გოლი გაიტანა), ამირან ყიფიანი (3), შოთა გრიშიკაშვილი (3), ირაკლი ღაღანიძე (1), ირაკლი ჩიქოვანი (1), ვლადიმერ რუსია (2), სერგეი კირილოვი (1), აკაკი ტალახაძე (3), რატი მსხვილიძე (2), მამია კობახიძე (8), უჩა მაისურაძე (3), ილია გოგალაძე (3) და ივანე ქარდავა (2).

ამირან ყიფიანი, სერგო დათუკაშვილი, აკაკი ტალახაძე

დაცვაში ირაკლი ჩიქოვანი და სერგო დათუკაშვილი

აკაკი ტალახაძე

მოდი სპორტის სასახლეში – გახდი მერვე მოთამაშე

ლაშა კიზირია — Wed, 09 Jun 2010 16:42:09 +0000

სულ რამდენიმე დღე დარჩა ჩვენი ბიჭების დიდი და გადამწყვეტი ბრძოლების დაწყებამდე. 11 ივნისს ევროპის შესარჩევის მატჩები იწყება თბილისში, სპორტის სასახლეში. ჩვენ საკმაოდ ძლიერი ჯგუფი გვხვდა წილად. მაგრამ ჩვენი ბიჭების შემართებით და გულშემატკივრის მხარდაჯერით მოვახერხებთ მოწინააღმდეგის დაძლევას, ყველა უნდა მივიდეთ სპორტის სასახლეში და ერთად შევძახოთ ხმამაღლა საქართველო, რომ ქართველებს მხარში ამოვუდგეთ და ვინც მოედანზე იქნება იგრძნოს თავისი ერის მხარდაჭერა. ეროვნული შეკრებას გადის ახლა და ძალიან მონდომებულები არიან, მართალია დიდი ხანი არ გვქონია მომზადებისთვის დრო, მაგრამ ყველა იმედითაა. 7-8 ივნისს საკონტროლო მატჩები გაიმართება აზერბაიჯანთან. ქართველებო ნამდვილად დროა ყველა ერთად დავდგეთ და ღირსეულად ვუგულშემატკივროთ საქართველოს ეროვნულ ნაკრებს ისე, როგორც ქართველებს გვეკადრება.

11 ივნისი
საქართველო – იტალია 18:00

12 ივნისი
საქართველო – ლატვია 18:00

13 ივნისი
საქართველო – ფინეთი 18:00

კიდევ ერთხელ ყველას გთხოვთ მობრძანდეთ სპორტის სასახლეში და ვუგულშემატკივროთ ყველამ ერთად, გავხდეთ მერვე მოთამაშე რათა მიაღწიოს საქართველომ წარმატებას.

საქართველოს ეროვნული ნაკრები

მერაბ მეტრეველი: “უწინარესი საზრუნავი,შემდგომ ეტაპზე გასვლაა”

ზ. ბარათაშვილი — Wed, 09 Jun 2010 14:24:34 +0000

საქართველოს ხელბურთელთა ნაკრებმა, ევროპის 2012 წლის შესარჩევი ტურნირის დაწყებამდე, 7-8 ივნისს, აზერბაიჯანის ნაკრებთან სპარინგ-მატჩები გამართა. ორივე შეხვედრა ქართველმა ხელბურთელებმა დიდი ანგარიშით მოიგეს. მერაბ მეტრეველის შეგირდებმა, პირველ დღეს 40:25 გაანადგურეს მეტოქე, ხოლო გუშინ 36:25 გაიმარჯვეს.
“მსოფლიო სპორტმა”, ევროპირველობის წინ, ინტერვიუ საქართველოს ხელბურთელთა ნაკრების მთავარ მწვრთნელს, მერაბ მეტრეველს სთხოვა.
- ევროპის ჩემპიონატის შესარჩევ ტურნირამდე ორი ამხანაგური შეხვედრა ჩაატარეთ. რა დატვირთვა ჰქონდა ამ მატჩებს?
- იმის გამო, რომ ძალზე სუსტი მოწინააღმდეგე გვყავდა, გუნდი ორ ნაწილად გავყავით. პირველ შეხვედრაში პირველმა შემადგენლობამ ითამაშა, ხოლო მომდევნოში – სათადარიგოებმა. ორივე გუნდს სხვადასხვა დავალება ჰქონდა – უწინარესად, რაც შეიძლება ნაკლები ბურთი უნდა გაგვეშვა და სწრაფ კონტრშეტევებზე გვეთამაშა. დავალებას ყველამ კარგად გაართვა თავი.

მერაბ მეტრეველი (საქართველოს ნაკრების მთავარი მწვრთნელი)

- თუ ორი დღის შედეგს გადავხედავთ, მეტოქე ორჯერვე დიდი ანგარიშით დაამარცხეთ. ჩანს, მართლაც სუსტები ყოფილან. მაშინ რატომ აირჩიეთ სასპარინგოდ?
- მართლა სუსტი გუნდია, მაგრამ აქ, უფრო ფსიქოლოგიური მომენტი იყო, რადგან ნებისმიერი თამაში, თამაშია. ძალიან ძნელია ამხანაგურ მატჩში გუნდის ორ ნაწილად გაყოფა, მაგრამ მათზე ძლიერი გუნდი ვერ მოიძებნა. თურქებმა, სამწუხაროდ, უარი გვითხრეს, რადგან კონკურენტი გუნდია და სხვა გეგმა ჰქონდა. თანაც, მოსამზადებლად, სულ რაღაც 3 დღე გვქონდა დარჩენილი. ლეგიონერებიც არ ჩამოსულან და გუნდი სრულად არაა შეკრებილი. არც ერთი გუნდი არ დაგვთანხმდა და ამან გამოიწვია აზერბაიჯანის არჩევა.
- 11-13 ივნისს, ევროპირველობის პირველ შესარჩევ ტურნირს მასპინძლობთ. რამდენად ხართ მომზადებული?
- სტუმრების დასახვედრად მზად ვართ, სასტუმროც კარგი შევურჩიეთ და სპორტის სასახლეც კარგ მდგომარეობაშია. რაც შეეხება გუნდს, დღევანდელ სიტუაციაში მისი შეფასება ძალიან რთულია. ყველაფერი ორ დღეში გაირკვევა, როცა ნაკრები სრულად შეიკრიბება. შემდეგ, ყველაფერი დამოკიდებული იქნება იმაზე, თუ როგორი შემართებით გამოვლენ სპორტსმენები მოედანზე და როგორ ითამაშებენ კონკრეტულ მატჩში.
- ჯგუფში იტალიის, ლატვიისა და ფინეთის ნაკრებებს ვხვდებით. რამდენად იცნობთ მათ თამაშს?
- იტალიის თამაშები ნანახი გვაქვს – როცა იანვარში მსოფლიოს ჩემპიონატის შესარჩევ ტურნირში ითამაშეს. ფინეთთან თავად გვითამაშია, 23 იანვარს, “ჩელენჯ ტროფის” ფინალში. რაც შეეხება ლატვიას, მათ 3 წლის წინათ შევხვდით და დღევანდელ შემადგენლობას რომ გადავხედეთ, დიდი ცვლილებები არ არის.
- გამოდის, მეტოქებს მეტ-ნაკლებად იცნობთ. მომდევნო ეტაპზე გასვლის შანსი რამდენად გვაქვს?
- შანსი 50-50-ზეა, რადგან მაინც საკუთარ მოედანზე ვთამაშობთ და ვიმედოვნებ, მხარდაჭერაც იქნება, მიუხედავად იმისა, რომ ფეხბურთში მსოფლიოს ჩემპიონატი იწყება. ისე კი, მასპინძელ გუნდს უპირატესობა ყოველთვის აქვს.
- ფეხბურთი ახსენეთ და ხომ ვერ გვეტყვით, რატომ დაამთხვიეს მსოფლიოს ჩემპიონატს ზემოაღნიშნული ტურნირი?
- სეზონი ყველგან მთავრდება და სპორტსმენებსაც დასვენება უნდათ, ამიტომ სხვა შანსი არ იყო. შესაბამისად, ხელბურთის ევროპის ფედერაციამ ასე გადაწყვიტა.
- ფინეთს დავუბრუნდეთ. ფინელებმა იანვარში “ჩელენჯ ტროფის” ფინალში დაგამარცხათ. რევანშის აღებას გეგმავთ?
- რა თქმა უნდა, ყველა იმას ვამბობდით, რომ ნეტავ, ფინეთი შეგვხვდესო და ამ მხრივ, გაგვიმართლა კიდეც.
- ჯგუფიდან გასვლის შემთხვევაში, გერმანიის, ავსტრიისა და ისლანდიის გუნდებს ხვდებით. მათთან გამარჯვების შანსი, საერთოდ თუ გვაქვს?
- გერმანია მსოფლიოში საუკეთესოა. თავისი ლიგით და უამრავი ძლიერი სპორტსმენით გამორჩეული გუნდია, ისლანდიელებმა, სულ რაღაც 4 თვის წინ, ევროპის ჩემპიონატზე მე-3 ადგილი დაიკავეს, ავსტრიელები 8 საუკეთესო გუნდს შორის მოხვდნენ. ასე რომ, ძალიან ძლიერი გუნდებია. თუმცა, ჩვენთვის, უპირველესად, ამ ეტაპის დაძლევაა მნიშვნელოვანი, ხოლო თუ რა მოხდება შემდგომ, ამაზე შემდგომში ვიმსჯელებთ.
- საინტერესოა თქვენეული პროგნოზი…
- უკვე ვთქვი – უწინარესი საზრუნავი, რაც შეიძლება მაღალი დონის თამაშის ჩვენება და შემდგომ ეტაპზე გასვლაა. ამით, ყველას ვაჩვენებთ, რომ ქართული ხელბურთი არსებობს და ის ბავშვები, რომლებიც დღესდღეობით ხელბურთს ეუფლებიან, დროს ტყუილად არ ჰკარგავენ.

ამირან ყიფიანი

მაკა თოიძე

საქართველომ აზერბაიჯანს ტესტ–მატჩში 40:26 აჯობა

ზ. ბარათაშვილი — Tue, 08 Jun 2010 06:11:01 +0000

საქართველოს ხელბურთელთა ნაკრები ევროპის 2012 წლის შესარჩევი ეტაპისთვის ემზადება. ოფიციალური მატჩების წინ მერაბ მეტრეველის გუნდი ამხანაგურ მატჩებს მართავს.

7 ივნისს საქართველოს ტექნიკური უნივერსიტეტის დარბაზში ქართველმა ხელბურთელებმა აზერბაიჯანის ნაკრებს უმასპინძლეს და 40:26 მოუგეს.

8 ივნისს საქართველო-აზერბაიჯანის შეხვედრა 18:00 საათზე იმავე მოედანზე გაიმართება. ნაკრების შემადგენლობა ჯერ ოპტიმალური არ არის. 9 ივნისს გუნდს სერგო დათუკაშვილი და რევაზ ჭანტურია გააძლიერებენ.

შეგახსენებთ, რომ ოფიციალური მატჩები 11-13 ივნისს სპორტის სასახლეში გაიმართება. საქართველო 11-ში იტალიას, 12-ში ლატვიას, ხოლო 13-ში ფინეთს უმასპინძლებს.

რატი მსხვილიძე, აკაკი ტალახაძე

სპორტის დეპარტამენტის პრესსამსახური

უმაღლესში ჭანტურიამ დატოვა: ქართველით ლიონი დაინტერესდა

ზ. ბარათაშვილი — Tue, 08 Jun 2010 00:01:11 +0000

საქართველოს ნაკრების წევრი რევაზ ჭანტურია ბოლო პერიოდში სკოპიეს “მეტალურგიდან”მაკედონიის ჩემპიონატის უმაღლეს ლიგის აუტსაიდერ “ზლატენლადში” იყო გ ანათხოვრებული და ამ გუნდს დიდი დახმარებაც გაუწია. ” ზლატენლადი” პლეიოფის გადამწყვეტ მატჩში ქვედა ლიგის მეორე ადგილოსანს შეხვდა და 37:32 გაიმარჯვა. ჭანტურიამ თავისი გუნდის გამარჯვებაში დიდი წვლილი შეიტანა, მან მეტოქის კარი 14-ჯერ დალაშქრა.
ეს მისი ბოლო მატჩი იყო “ზლატენლადის” შემადგენლობაში. რეზო ახალი გუნდის ძიებაშია. მისი დამატება სკოპიეს “ვარდარს” სურს, მაგრამ ჭანტურიას უკეთესი ვარიანტიც აქვს ფრანგული “ლიონი”, სადაც სანაკრებო მატჩების შემდეგ სინჯებზე გაემგზავრება და დიდია ალბათობა, იქვე და რჩეს კიდეც.
სასიხარულოა, რომ საქართველოს ნაკრების ერთ-ერთი ლიდერი თბილისში გასამართ ოფიციალურ სანაკრებო მატჩებს ასეთ კარგ ფორმაში ხვდება. ჩვენი ნაკრები ევროპის ჩემპიონატის შესარჩევი ტურნირისთვის უკვე ემზადება, რეზო გუნდს 9 ივნისს შეუერთდება.

რევაზ ჭანტურია